|
Tirweddau Hanesyddol Pencaer
Crynodebau yw rhain, cliciwch ar y llun am fwy
o wybodaeth
Map a atgynhyrchwyd o fap yr OS gyda chaniatad
yr Arolwg Ordnans ar ran Rheolwr Llyfrfa Ei Mawrhydi, © Hawlfraint y Goron
2001. Cedwir pob hawl. Byddai ei atgynhyrchu heb ganiatad yn torri Hawlfraint
y Goron a gall hynny arwain at erlyniad neu achos sifil. Rhif y drwydded:
GD272221
Mae
ardal gymeriad dirwedd hanesyddol Llain Arfordirol Wdig
i Aberbach yn cynnwys clogwyni uchel a llain gul o ben
clogwyn. Yr unig adeiladau yw goleudy Pen Strwmbwl a hen fwthyn
y ceidwad, a strwythurau gwag a adeiladwyd yn ystod yr Ail Ryfel
Byd. |
|
Mae
Wdig yn ardal gymeriad dirwedd hanesyddol fach
ac mae’n cynnwys seilwaith porthladd a gorsaf reilffordd ynghyd
â datblygiadau preswyl a adeiladwyd ar safle cyfyngedig. Ni
ddatblygodd Wdig tan y 19eg ganrif, ac mae’r mwyafrif o’r
adeiladau yn dyddio o’r cyfnod rhwng canol a diwedd y 19eg
ganrif a’r 20fed ganrif. |
|
Mae
ardal gymeriad dirwedd hanesyddol Garn Fawr yn
cynnwys darnau bryniog bach o rostir agored, creigiog. Nid oes unrhyw
adeiladau cyfannedd. Lleolir bryngaer Garn Fawr sy’n dyddio
o’r oes haearn yn y man uchaf, Garn Fechan ar gopa is a chaer
Ysgubor Fawr ar lethrau is. Mae hen waliau sych yn dangos bod yr
ardal wedi’i hamgáu ar un adeg. |
|
Mae
ardal gymeriad dirwedd hanesyddol Pen Caer yn cynnwys
ffermydd gwasgaredig a chaeau yn nannedd gwyntoedd mynychaf yr Iwerydd.
Mae’n ddi-goed. Nodweddir yr ardal hon gan ffiniau caeau ar
ffurf waliau sych a chloddiau caregog enfawr. Fe’i nodweddir
hefyd gan y defnydd a wnaed o sgim sment dros doeau llechi’r
tai a’r adeiladau amaethyddol. |
|
Mae
Llanwnda yn ardal gymeriad dirwedd hanesyddol o
ffermydd a chaeau. Mae’r caeau yn fach ac yn afreolaidd eu
siâp ac fe’u rhennir gan gloddiau caregog a waliau sych.
Mae’r ffermydd hefyd yn fach iawn ac wedi’u gwasgaru’n
eang. Mae’r unig glystyrau o aneddiadau yn Llanwnda, Ciliau
a Phontiago, ac mae’r rhain yn fach iawn. |
|
Mae
Garnwnda yn boced o rostir uchel, creigiog yng
nghanol caeau a ffermydd. Ni cheir unrhyw adeiladau yn yr ardal
gymeriad dirwedd hanesyddol hon. Mae maen hir yn dyddio o’r
oes efydd a beddrod siambr neolithig yn nodweddion tirwedd hanesyddol
pwysig. |
|
|