Cartref >

Mae Chwilota'r Tywi! yn rhan o'r cynllun Partneriaeth Tirwedd, Tywi Afon yr Oesoedd, a'i ddiben yw dathlu a gwella tirwedd dyffryn Tywi. Dros y ddwy flynedd nesaf, bydd gweithgareddau a digwyddiadau amrywiol yn cael eu cynnal yn nyffryn yr afon, rhwng Llangadog a Dryslwyn.

Ymddiriedolaeth Archaeolegol Dyfed fydd yn arwain Chwilota'r Tywi! gyda rhaglen o weithgareddau cydgysylltiol sy'n cynnwys ysgolion, grwpiau diddordeb lleol ac aelodau o'r cyhoedd i ddarganfod mwy am dirwedd dyffryn Tywi. Bydd y gweithgareddau hyn nid yn unig yn gyfle unigryw i wirfoddolwyr archwilio ac ymchwilio i ddyffryn Tywi, ond byddant hefyd yn gyfle i ddysgu sgiliau newydd mewn ymchwil a thechnegau arolwg.

Mae pob gweithgaredd wedi'i gynllunio i adeiladu ar y wybodaeth bresennol sy'n cael ei chadw yn y Cofnod Amgylchedd Hanesyddol (HER) ac yn casglu tystiolaeth a fydd yn arwain at fwy o brosiectau yn y dyfodol, gan gynnwys cloddiad mawr. Os hoffech gymryd rhan yn unrhyw un o'r gweithgareddau hyn, neu gael gwybod am y prosiect, cysylltwch ag Alice Pyper.

Ffoniwch 01558 823131 neu ebost a.pyper@dyfedarchaeology.org.uk

CYFLEOEDD I WIRFODDOLI GYDAG YMDDIRIEDOLAETH ARCHEOLEGOL DYFED