CYFLEOEDD I WIRFODDOLI GYDAG YMDDIRIEDOLAETH ARCHEOLEGOL DYFED

Mae cyfleoedd ar gael i wirfoddolwyr gymryd rhan mewn cloddiadau ac arolygon archeolegol yn ystod y flwyddyn sy’n dod. I’r rhai heb ddim profiad o archeoleg, ond a hoffai roi cynnig arni, mae sesiynau ‘rhagflas’ byr ar gael, gyda chyfnodau hwy yn cael eu cynnig i’r rhai mwy ymroddedig. Ar ben hyn, cynhelir diwrnodiau agored, ysgolion undydd ac arddangosfeydd trwy gydol y flwyddyn. Mae union ddyddiadau rhai digwyddiadau eto i’w pennu’n derfynol. Am wybodaeth fanylach cysylltwch â Richard Jones ar 01558 825997 (r.jones@dyfedarchaeology.org.uk)

Cloddio ac arolwg geoffisegol

• 28 Gorffennaf - 16 Awst 2008. Cloddio, arolygu a chofnodi adeiladau ar gapel a mynwent o’r oesoedd canol ym Mhorth Clew ger Freshwater East, Sir Benfro.
• Gwanwyn a Hydref 2008. Arolwg geoffisegol o ddau safle claddu/defodol cynhanesyddol. Un yng ngogledd Ceredigion a’r llall yn ne’r sir yn ymyl Aberteifi.
• Gwanwyn-Haf-Hydref 2008. Arolwg, cloddio ac ymchwil yng Nghors Fochno, gogledd Ceredigion. 11 – 15 Awst a 8 – 22 Medi.

Diwrnodiau Agored ac Ysgolion Undydd

• 15 Tachwedd 2008. Ysgol Undydd Sir Benfro, Hwlffordd.
• Chwefror 2009. Ysgol Undydd Ceredigion, Aberystwyth.