Ar ochr y mynydd ar ymyl gorllewinol parc Cenedlaethol Bannau Brycheiniog ceir tirlun rhyfeddol o glogwyni garw, twmpathau a chnyciau glaswelltog, ac adfeilion enigmatig. Am dros 200 o flynyddoedd roedd y safle hardd hwn yn ferw o weithgaredd diwydiannol, lle'r oedd calchfaen yn cael ei gloddio a'i brosesu i greu calch. Mae CALCH yn brosiect newydd cyffrous fydd yn galluogi ymwelwyr i ddod a darganfod sut yr helpodd y diwydiant anghofiedig hwn i adeiladu Cymru! Mae cyllid wedi'i sicrhau bellach ar gyfer Cam 2 y prosiect a byddwn ni'n gweithio i ddarganfod, dathlu ac atgyweirio adfeilion y diwydiant calch yn Chwarel Herbert. Archwiliwch y wefan hon er mwyn darganfod mwy am y prosiect, hanes y diwydiant calch a llawer o bethau diddorol iawn eraill am galch!