Eglwysi

Tua diwedd y 1990au, cynhaliodd Ymddiriedolaeth Archaeolegol Dyfed arolwg cyflym o’r eglwysi hanesyddol yn Sir Gaerfyrddin, Ceredigion a Sir Benfro fel rhan o arolwg Cymru-gyfan, drwy gymorth grant gan Cadw, a gynhaliwyd gan y pedair ymddiriedolaeth archaeolegol yng Nghymru.

Nod y prosiect oedd darparu cofnod o’r holl eglwysi yng Nghymru dan berchenogaeth yr Eglwys yng Nghymru sy’n dyddio’n ôl yn bellach na’r 19eg ganrif.  Cofnodwyd eglwysi a ailadeiladwyd yn y 19eg ganrif ar safle eglwysi cynharach hefyd.  Ni chofnodwyd eglwysi segur a safleoedd eglwysi diffaith.

Cofnodwyd cyfanswm o 273 o eglwysi yn y tair sir. Mae gwybodaeth am y rhain i’w gweld yma.

Lluniwyd adroddiadau trosolwg sirol hefyd, a rhannwyd Sir Benfro yn ddau adroddiad, sef gogledd Sir Benfro a de Sir Benfro.

Mae’r adroddiadau ar eglwysi unigol a’r crynodebau sirol ar gael yn Saesneg yn unig.